Ең мықтылар жеңсін!

Облыстық денсаулық сақтау басқармасы мен «Ѕепім «Денсаулық сақтау қызметкерлерінің салалық кәсіптік одағы» қоғамдық бірлестігінің Жамбыл облыстық филиалы медицина қызметкерлері күніне арналған «Медицина үздігі – 2022» республикалық байқауына дайындық аясында жарыс  бастау алды. Облыстық байқау медициналық колледж базасында келесі номинациялар бойынша өткізілді: Денсаулық сақтау жүйесінің үздік менеджері, стационардың үздік дәрігері, алғашқы медициналық-санитарлық көмектің үздік дәрігері, Үздік әлеуметтік қызметкер. Мамыр айының соңында мұндай байқаулар облыстың емдеу-алдын алу мекемелерінің ішінде өтті. Жамбыл облыстық психикалық денсаулық орталығында психиатр – нарколог дәрігерлер арасында клиникалық-диагностикалық бөлімшенің меңгерушісі Ли Елена Игоревна, әлеуметтік қызметкерлер арасында облыстық конкурста психикалық денсаулық орталығының атынан Абдықалықова Айгүл Алмаханқызы жеңімпаз атанды. Олар сол жерде өздерінің ең жақсы екенін дәлелдей алды! Е.И. Ли «Стационардың үздік дәрігері» номинациясы бойынша жүлделі екінші орынды, ал А. А. Әбдіқалықова «Үздік әлеуметтік қызметкер»номинациясы бойынша жүлделі үшінші орынды иеленді.

Психикалық денсаулық орталығының қолдау тобы да маңызды рөл атқарды, олар өз қолдау сөздерімен, плакаттарымен, қатысушылар мен қазылар алқасын позитивті көңіл сыйлап, оң әсер қалдырды.

Жеңімпаздарды жүлделі орындармен құттықтаймыз! Біз қол жеткізген жетістіктерімізбен тоқтап қалмауды және одан әрі жеңістерге ұмтылуды тілейміз, өйткені жеңіске тек Жеңімпаз ғана жетеді.

Сондай-ақ, бәсекелестік рухына қарамастан, достық атмосферада өткен байқаудың жоғары ұйымдастырылғанын атап өткім келеді. Орталық қызметкерлері атынан осы мерекені ұйымдастырушыларға үлкен алғысымызды білдіреміз.