«Нұр Отан» партиясы Тараз қалалық филиалының кезектен тыс XXVІІ конференциясы өтті

2019 жылдың 16 сәуірінде «Нұр Отан» партиясы Тараз қалалық филиалының кезектен тыс XXVІІ конференциясы өтті. Жиын барысында күн тәртібіндегі «Нұр Отан» партиясының «Бақытты отбасы», «Ауыл – ел бесігі», «Құтты мекен» және «Халыққа көмек» жобаларының Тараз қаласында іске асырылу барысы, «Нұр Отан» партиясы Тараз қалалық филиалы Саяси кеңесінің құрамына өзгерістер енгізу, «Нұр Отан» партиясы Жамбыл облыстық филиалының кезектен тыс XХV конференциясына делегаттар сайлау туралы мәселелер талқыланды. Жиынға Жамбыл облыстық психикалық денсаулық орталығы жанындағы «Сенім» бастауыш партия ұйымының атынан Орталықтың бас дәрігері, бастауыш партия ұйымының мүшесі Жексембиев Жақып Тузелбаевич және «Сенім» бастауыш партия ұйымының төрайымы Каримова Гульмира Ауесхановна қатысты.