ПСИХИКАЛЫҚ ДЕНСАУЛЫҚҚА ҚАШАН КӨҢІЛ БӨЛУ КЕРЕК?

Көп жағдайда адам денсаулығына физикалық тұрғыдан ғана мән береді. Ал психикалық жағдайымызды кейінге қалдырып жатамыз.

Психикалық денсаулыққа көңіл бөлетін уақыт — өзіңізді ұзақ уақыт бойы бұрынғыдай сезінбеген кезде.

Мына белгілерге назар аударыңыз:

— көңіл-күйдің ұзақ уақыт өзгеруі;

— себепсіз мазасыздық немесе қорқыныш;

— ұйқының бұзылуы;

— үнемі шаршау, күштің болмауы;

— бұрын ұнайтын нәрселерге қызығушылықтың төмендеуі;

— ашуланшақтықтың немесе эмоционалдық тұрақсыздықтың күшеюі;

— адамдармен қарым-қатынастың қиындауы;

— оқу немесе жұмысқа деген қабілеттіліктің төмендеуі.

Бұл белгілер міндетті түрде психикалық ауру бар дегенді білдірмейді. Бірақ оларды елемей жүре бермей, өз жағдайыңызға назар аударған дұрыс. Психологқа немесе психиатрға жүгіну — әлсіздік емес. Бұл өз денсаулығыңызға жауапкершілікпен қарау. Өзіңізді тыңдаңыз. Көмек қажет болса, оны уақытында сұраңыз.