Жамбылдық медицина қызметкерлері республикалық спартакиадада жүлделі орынға ие болды

8–9 қазанда Орал қаласында Қазақстанның психикалық денсаулық орталықтары қызметкерлері арасында волейболдан республикалық спартакиада өтті.

Байрақты бәсекеде Жамбыл облыстық психикалық денсаулық орталығының командасы жүлделі үшінші орынға ие болды.

Тартысты өткен ойындарда қатысушылар командалық үйлесім мен спорттық шеберліктерін көрсетіп, үздік үштіктің қатарынан көрінді.

Республикалық спартакиада Психикалық денсаулықтың республикалық ғылыми-практикалық орталығы ұйымдастырған конференция аясында өткізілді. Мұндай басқосулар медицина мамандарының өзара тәжірибе алмасуына, кәсіби байланыстарды нығайтуға және салауатты өмір салтын дәріптеуге мүмкіндік береді.

Жамбылдық мамандардың бұл жетістігі – ұжымның ұйымшылдығы мен ортақ мақсат жолындағы бірлігінің нәтижесі. Облыс намысын абыроймен қорғаған командаға алдағы жарыстарда сәттілік тілейміз!

Жамбыл облыстық психикалық денсаулық орталығында 1 қазан – Халықаралық қарттар күніне орай «Әділет» партиясы Тараз қалалық филиалына қарасты «Сенім» бастауыш партия ұйымының ұйымдастыруымен «Мейірім мен қамқорлық» акциясы аясында мерекелік жиын өтті.

Жиын барысында орталықтың бас дәрігері Серік Дүйсенәліұлы Жетібаев аға буын өкілдерін мерекемен құттықтап, оларға зор денсаулық, ұзақ ғұмыр, отбасыларына амандық пен береке тіледі. Қарияларға көрсеткен еңбектері мен өмірлік тәжірибелері үшін алғыс білдіріп, әрдайым құрмет төрінде болуын атап өтті.

Сонымен қатар, мереке қарсаңында орталықтың 170 ардагер қызметкеріне ерекше құрмет көрсетіліп, олардың үйлеріне арнайы барып, мерекемен құттықталды. Ардагерлерге сый-сияпат табысталып, ізгі тілектер айтылды. Бұл игі шара аға буын өкілдеріне деген құрмет пен қамқорлықтың жарқын көрінісі болды.

Қарияларға құрмет көрсету ежелден келе жатқан асыл дәстүріміз.Олардың батасын алып, өнегелі өмір жолын кейінгі ұрпаққа үлгі ету баршамызға ортақ міндет.

Жамбыл облыстық психикалық денсаулық орталығының психологы Ж. Б. Байгутдиева Достық үйінде өткен Төтенше жағдайлар департаментінің қызметкерлеріне арналған «суицидтік мінез-құлық пен лудоманияның алдын алу» тақырыбындағы семинарға қатысты. Басқаларды құтқаратындарға қамқорлық жасау өте маңызды. Құтқарушылар күн сайын жоғары күйзеліске ұшырайды, сондықтан күйіп қалу белгілерін тани білу, уақытында психологиялық көмек алу өте маңызды. Қатысушылар дағдарыс жағдайында көмектесетін қолдау әдістерін талқылады.

Жамбыл облыстық психикалық денсаулық орталығының психиатр-нарколог дәрігері И.В. Данилюк № 2 орта мектеп оқушыларына алкогольді ішімдік ішудің алдын алу бойынша «Алкоголь армандарды қалай бұзады» тақырыбында дәріс өткізді. Іс-шара 2026-2027 оқу жылына арналған салауатты өмір салтын қалыптастыру және кәмелетке толмағандар арасында психоактивті заттарды қолданудың алдын алу жөніндегі бірлескен жұмыс жоспарына сәйкес өткізілді. 70 тыңдаушы қатысты.
Кездесудің мақсаты-жасөспірімдердің ішімдік ішудің салдары туралы хабардарлығын арттыру, денсаулықтың құндылығын , жеке мақсаттары мен болашағына жауапкершілікпен қарауға көмектесу. Әңгімелесу барысында оқушылармен алкогольдің денсаулыққа, эмоционалдық жай-күйге, басқалармен қарым-қатынасқа және өмірлік перспективаларға әсері мәселелері талқыланды.

Бүгін Жамбыл облыстық психикалық денсаулық орталығы үшін маңызды және ерекше күн — «жақсылық миссиясы»халықаралық волонтерлік бағдарламасы аясында кіріспе кездесу өтті.
Бағдарлама балалар психиатриясы және ерекше қажеттіліктері бар балаларды тәрбиелеп отырған отбасыларды инклюзивті сүйемелдеу саласында тәжірибе алмасуға және үздік тәжірибелерді енгізуге бағытталған.
Алда-мамандармен танысу, кәсіби біліммен алмасу, балалар мен жасөспірімдерге көмек көрсетудің заманауи тәсілдерін талқылау, сондай-ақ ресейлік әріптестердің тиімді тәжірибелерін көру мүмкіндігі.
Біздің орталық үшін бұл жай ғана кәсіби шара емес. Бұл бір-бірінен үйренуге, өз құзыреттерін кеңейтуге және балалар мен олардың отбасыларына көмектесудің заманауи және гуманитарлық жүйесін бірге құруға мүмкіндік.
Бұл күн ынтымақтастықтың, игі бастамалардың және маңызды кәсіби жобалардың жаңа кезеңінің бастауы болсын.
«Жақсылық миссиясы» — білім біріктірілгенде, тәжірибе шабыттандырады және көмек ортақ құндылыққа айналады.